Катерина Кипроска, првенка. Родена на 26.07.1971 година во Гостивар. Комплетно основно и средно балетско образование го завршува во МБУЦ "Илија Николовски Луј" во класата на проф. Елисавета Кушовска. Во МОБ - Балет е вработена од 1990 година. Во 1993 година престојува 3 месеци во Националниот балет во Торонто, Канада. Веќе од 1996 година добива статус на првенка во МОБ - Балет, Скопје. Во 1997 година престојува 1 месец во театарот Станиславски во Москва. 2004 година дипломира на Академијата за Музичка и танцова уметност во Пловдив, Бугарија. Во периодот од 2004 до 2006 година е Уметнички директор на МОБ - Балет. Од 2006 година е Уметнички директор на Европскиот Колеџ - Атина. Во својата кариера има одиграно многу улоги, меѓу кои се: Одета и Одилија во "Лебедово езеро", Жизел во "Жизел", Маша во "Оревокршачка", Јулија во "Ромео и Јулија", Китри во "Дон Кихот", Никија во "Бајадерка", Дона Ана во "Дон Жуан", Бес во "Порги и Бес", Есмералда во "Есмералда", Црна Роза во "Танго", Саби во "Ташула", Снежана во "Снежана и 7 - те џуџиња", Жена во "За непознатиот", Жена во "Големиот Бах", I Девојка во "Македонска повест", Вила во "Танц на кадетите", 7-ми Валс во "Шопенијана". Како гостинка настапувала во: Колумбија (Богота, Тунха, Букараманга, Меделин, Кали, Ибаге, Попајан, Картахена, Баранкиља, Синселехо); Перу (Лима); Тајван (Тајпеј, Тајчунг); САД (Њујорк); Бугарија (Варна, Бургас); Германија (Улм, Лајпциг); Србија (Белград, Нови Сад); Хрватска (Загреб, Дубровник); Русија (Москва, Сан Петербург); Црна Гора (Подгорица, Тиват, Будва); Португалија (Лисабон); Грција (Солун). Натпревари: 1988 год. во Нови Сад - III место и бронзена плакета; 1991 год. во Нови Сад - III место и бронзена плакета; Делта прес 2005 год. награда за значителни остварувања во уметноста. Меѓународни натпревари: Париз (Франција), Хелсинки (Финска), Варна (Бугарија).